Livornon buruturiko Memorie Perifericheren ondoren, Periferikek bigarren ekitaldia Bilbon egitea pentsatu du: horrela jaio da Periferiak.

Periferikek, Bartzelonan, 2002ko maiatzaren arratsalde batean haurtzaroa gainditu eta, oso denbora gutxian aitak, amak, lagun ugari eta posible den etorkizuna lortu ditu. Donostiara bidaiatu da, Napolin trebatu da, Lisboa, Marseilla, Genoa eta Bilbo hiriei so egiten die, lagunak aurkitu ditu Parisen. Hiri horietako batzuetan, bertako aldirietan eta portuetan barna mugituz, hiritarrak diren biztanle gehienen ingurunea osatzen duten gizarte, ekonomia, politika eta kultur mugez jakitun egotea ahalbidetu du.

Ideia errealitate bihurtu da Livornon, 2003ko urtarrilean (www.periferike.org); bertan, antzerkia, zinema eta musika Bernardo Atxagaren, John Bergeren, Joaquín Jordáren eta Gianni Celatiren hitzekin uztartu ziren. Gizartekotze zuzeneko guneek eguneroko komunikabideen formak bazter uzteko aukera eskaini zuten, era horretan, irudizkoak diren periferiak ezeztatu zirelarik.

Periferikek egonkorra eta zentralizatu gabea den behatokia abian jartzea erabaki du, egitasmo bakar batean hainbat ikusmolde eta kultura zehatz batzea lortuko duen behatokia: helburua utopia piratak mugiaraztea da, ezinbestekoa den kultur nomadismoaren barruan.

Asko hitz egiten da periferiari buruz, irudiak osatzen dira, doinuak konposatzen dira, mugimenduak transmititzen dira: energia horrek erlazionatu behar du, eta horrek sor ditzakeen ondorioak analizatu, transmisio, jasotze eta alderatze momentuak zabaltzen dituen ideia laborategi batean.

2004ko otsailaren 23 eta 29 bitartean, Periferiak Bilbon geratuko da, besteak beste periferiari buruz, benetakoa den eta egunero ibiltzean zapaltzen dugun horri buruz, irudizkoa den eta gainean oztopo arriskutsuak moldatzen ditugun horri buruz, gogoeta egingo duten begiradetan, memorietan. Begiradak eta oroitzapenak egun batean izan zena beharbada ahaztu duen hiri baten ertzetik.

John Berger, Lydie Salvayre, Bernardo Atxaga, Marina Garcés, Paolo Virno, Gianni Celati, Yann Moulier Boutang... Ezin konta ahala aldiz identifikatu gara beren begiradetan: beren hitz, mugimendu eta irudietan, beren lanen bidez transmititzen dituzten isiltasunetan.

Periferike desagertu egingo da orain, parte hartzen jarraitu ahal izateko.

Helbideak

informazio orokorra : info@periferike.org

Periferike Bilbo: bilbo@periferike.org

Periferike Paris : parigi@periferike.org

Periferike Livorno : livorno@periferike.org