Dokumentala: Archivos Babilonia (OVNI- Bartzelona)

Archivos Babilonia 1999-2003, gaur egungo arkeologia mediatikoaren inguruko egitasmoa da, Inperioaren alderdirik ilunenetik datozen dokumentuak biltzen dituena: industria militarra, farmazeutikoa, digitala eta horien gobernu egiturak sustatzen dituztenak.

Dokumentu horietako asko ez ziren irauteko sortu, oso zehatzak diren egitekoak betetzeko baizik: prestakuntzakoak, sustapenekoak, e. a. Denbora edo korporazio ingurunetik aterata, esanahiaren gardentasun harrigarria hartzen dute, baita kontsumoaren publizitatea ohiko dutenentzat ere harrigarria.

Archivos Babilonia dokumentalak intentziozko eta gaikako izaera dauka: alegia, Egungo Kulturari buruzko Kritika erraztea, bere ezaugarri nagusia den hizkuntzan oinarrituta, bideo-arte, dokumental independente edo mass medien arkeologia bezalako estrategiak erabilita. Klonazioaren aurreko pizgarri eta mass media korporatiboen errepikapen bihurtzen dira.

Egiturari dagokionez, lau ataletan banatuta daude, atal bakoitzak dokumentu gogorrez osaturiko gune bat eta mugatzen eta testuingurua kokatzen duten beste dokumentu batzuk dituelarik .

Archivos Babilonia Ovnik (Identifikatu gabeko bideo behatokia, CCCB, Bartzelona) egiten duen programazioaren zati dira. Ovnik urte eta erdiko tarteaz antolatzen dituen ekitaldietan, deialdiaren gaikako izaerak egin beharreko lan hautaketak irakurketa, gure garaiko zenbait amets eta eldarnioren erregistro berezi bilakatu ditu. Sortu zenetik iraun duen 10 urteetan, OVNIk 700dik gorako dokumentu eta lan gehitu ditu Artxiboetara. Artxibo horien intentziozko eta gaikako borondateak, eta baita lanen izaera independenteak ere, Behatokiaren Artxiboak bakarra den proiektu bihurtu dituzte, mota berekoen artean.

zubiak